Europa Press

Europa Press
Datos
Tipu	axencia de noticies
Fundación	1953
Idioma	Castellán, asturianu, catalán, gallegu ya eusquera
Sede	Madrid
Páxina web	europapress.es

Europa Press ye una axencia privada de noticies española. Foi fundada en 1953, espubliza mayoritariamente en castellán mientres 24 hores aproximao más 3.000 informaciones diaries. Cuenta con una rede de cuasi 2000 veceros, ente los que s'atopen los principales medios de comunicación españoles: periódicos, radios, televisiones y medios dixitales; nacionales, autonómicos y locales. Amás, les Altes instituciones del Estáu; tolos Ministerios; Gobiernos Autonómicos; Conceyos; Diputaciones y el restu d'Alministraciones Públiques a tolos niveles; los partíos políticos; les organizaciones empresariales y sindicatos; les principales compañíes y fundaciones; toes estes entidaes reciben los servicios informativos d'Europa Press.^{[ensin referencies]}

Estes informaciones, de calter xeneral y especializáu, en formatu testu y audiovisual, son una de les principales fontes informatives de los medios de comunicación y principales gabinetes de prensa.

Europa Press cuenta con sede en toles Comunidaes Autónomu y corresponsal en toles capitales de provincia, dexa a l'axencia ufiertar un productu informativu con una gran capilaridad autonómica y llocal, cualidá imprescindible pa instituciones y compañíes.

Los gabinetes de prensa contraten los servicios informativos d'Europa Press pa tar informaos en tiempu real de l'actualidá polo xeneral y del so sector. Amás, Europa Press ufierta a les compañíes la posibilidá de publicar les sos informaciones en webs corporatives y espublizales al traviés de la so intranet.